Göyçay rayon sakini Azadov Seymur Əlibaba oğlu şikayətində bildirir ki, Bakı-Yevlax magistral yolunun alt hissəsindəki kanaldan qaz boruları keçsə də, rəsmi qurum inkar edir:

“Məlumat üçün bildirim ki, Bakı-Yevlax magistral yolunun alt hissəsində yerləşən kanaldan qaz boruları keçir. Qaz xətləri suvarma arxından keçir.

Dəfələrlə “Azəriqaz”la əlaqə saxlasam da, israrla bildirirlər ki, oradan qanunsuz qaz xətti keçmir. Yəni “Azəriqaz” bu qanunsuzluğu qətiyyən üzərinə götürmür. Mənə deyirlər ki, orda sayğac belə, yoxdur. Amma təxminən 20 gün olar ki, ərazidə olan sayğacı söküb, öz aləmlərində "izi itiriblər". Halbuki, sizə təqdim etdiyim videodan görünür ki, qaz borularını suyun içərisindən keçiriblər".

Qeyd edək ki, Göyçayda avtomobil mühərriki ustası kimi sahibkarlıq fəaliyyəti ilə məşğul olan Azadov Seymur həmdə ictimai fəal kimi tanınır. 

Şikayətçinin göndərdiyi video-müraciəti olduğu kimi dərc edirik:

 (Hürriyyet.az)