“Fələstinin HƏMAS radikal hərəkatı İsrailə müharibə elan edib və İsrail ordusu düşmənlə mübarizə aparır”.

TASS xəbər verir ki, bunu İsrail müdafiə naziri Yoav Qalant təhlükəsizlik qüvvələrinin rəhbərləri ilə vəziyyəti müzakirə etmək üçün keçirilən görüşdən sonra deyib. Eyni zamanda, Qalant bütün ölkə vətəndaşlarını mövcud vəziyyətdə əlaqədar hakimiyyətin göstərişlərinə əməl etməyə çağırıb.

Qeyd edək ki, İsrail Müdafiə Nazirliyinin Mətbuat Xidməti Qəzza zolağından İsrail ərazisinə raketlərin atıldığını bildirib. Şənbə günü səhər Bakı vaxtı ilə saat 07:28-dən başlayaraq Tel-Əviv ərazisi və ətrafı da daxil olmaqla ölkənin bir çox yerində həyəcan siqnalları səslənməyə başlayıb. Baş verənlər fonunda İsrail ordusu “müharibə hazırlığı vəziyyəti” elan edib və müdafiə naziri Qalant ehtiyatda olan hərbçilərin orduya çağırılmasını təsdiqləyib.