Türkiyənin İstanbul şəhərində tarixi bina çöküb.

Bu barədə “TRTHaber” məlumat yayıb. Məlumata görə, Beşiktaş Quruçeşmədə təmir işləri aparılan binada çökmə baş verib. Hadisə yerinə yanğınsöndürənlər və tibb işçiləri cəlb edilib.

İlkin məlumata görə bir nəfər çökən binanın altında qalıb. Yanğınsöndürənlər axtarış-xilasetmə işlərinə başlayıb. Polis ətrafda geniş təhlükəsizlik tədbirləri görüb.