Rusiya Dövlət Duması LGBT təbliğatının tam qadağan edilməsi ilə bağlı qanun layihəsini qəbul edib.

Regionxeberlericom.az Toplum TV-yə istinadən xəbər verir ki, deputatlar LGBT təbliğatının tam qadağan edilməsi və buna görə məsuliyyətin tətbiqi ilə bağlı qanun layihəsini üçüncü oxunuşda qəbul ediblər.

Parlamentin aşağı palatasının spikeri Vyaçeslav Volodin bildirib ki, qeyri-ənənəvi cinsi münasibətlərin hər hansı təbliğatından əlavə, pedofiliyanın təbliğinə və cinsiyyətin dəyişdirilməsinə də qadağa qoyulub. Qərara əsasən, qanunu pozanlar 10 milyon rubl (28 min manat) məbləğində cərimə olunacaqlar.

Noyabrın 23-də Avropa Parlamenti Rusiyanı terrorizmə sponsorluq edən dövlət kimi tanıyan qətnamə qəbul edib. Toplum...

“Qərar bizim uşaqlarımızı, ölkənin gələcəyini ABŞ və Avropa dövlətlərinin yaydığı qaranlıqdan qoruyacaq. Bizim öz adət-ənənələrimiz, dəyərlərimiz var”, - deyə deputat yazıb.

Bundan əvvəl Dövlət Duması qeyri-ənənəvi cinsi münasibətlərin, pedofiliyanın və cinsi dəyişmək istəyi yarada biləcək məlumatların təbliğatını qadağan edən qanun layihəsini də ikinci oxunuşda qəbul edib. Sənədə əsasən, qeyri-ənənəvi münasibətlərin, pedofiliyanın təbliğatına qadağa, həmçinin LGBT-lər haqqında məlumatların KİV-də, internetdə, reklamda, ədəbiyyatda və kinoda yayılmasına məhdudiyyət qoyulub.