Helsinki və Stokholm Türkiyə tərəfinin Şimali Atlantika Alyansına qoşulmaq tələblərini yerinə yetirib, ona görə də onları NATO-ya qəbul etməyin vaxtı çatıb. 

Bu barədə NATO-nun baş katibi Yens Stoltenberq Türkiyənin xarici işlər naziri Mövlud Çavuşoğlu ilə keçirdiyi mətbuat konfransında bildirib.

"Finlandiya və İsveç Türkiyənin NATO-ya üzv olmaq tələblərini yerinə yetiriblər, ona görə də onları təkcə dəvət etməyin deyil, həm də onları alyansa üzv etmək vaxtı çatıb. Mən bu məsələni Türkiyə Prezidenti ilə müzakirə edəcəyəm. Bu, hesablamalarda heç bir səhvə yol verməmək üçün Rusiyaya düzgün siqnal göndərmək üçün indiki şəraitdə xüsusilə vacibdir”, - deyə o qeyd edib.