Finlandiyanın baş naziri Sanna Marin ölkəsinin NATO-ya üzv ola biləcəyini söyləyib.

Finlandiyanın baş naziri Sanna Marin Rusiyanın Ukraynaya təcavüzünə görə, Finlandiyanın qarşıdakı həftələrdə NATO-ya üzv olmaq üçün rəsmi müraciət etməyə hazırlaşdığını bildirib: “Finlandiyanın Rusiya ilə münasibətləri Putinin keçən ay Ukraynaya qoşun göndərmək qərarı ilə dəyişdi. Biz qarşımıza qoyduğumuz məqsədi xatırlamalıyıq. Hazırkı şəraitdə Finlandiyanın və fin xalqının təhlükəsizliyini təmin etməyə borcluyuq”.

Məlumat üçün qeyd edək ki, fin xalqı da ölkələrinin NATO-ya üzv olmasında maraqlIdırlar.

Belə ki, bir neçə il öncə ölkədə bu məsələni dəstəkləyənlərin nisbəti 20-25 faiz civarında idisə, ötən həftə Finlandiyada keçirilən sorğuda əhalinin 61 faizi NATO-ya üzvlük qərarını dəstəklədiyini bildirib.