Nigerdə qalan son Fransa hərbçiləri dekabrın 22-dək ölkəni tərk edəcəklər.

Bu barədə “Agence France-Presse” (AFP) agentliyi Niger hərbi departamentinə istinadən məlumat yayıb.

“Dekabrın 22-dək bütün fransız əsgərləri, eləcə də onların texnikası nəhayət Nigeri tərk edəcək”, - AFP agentliyi Niger ordusunun bəyanatından sitat gətirib.

Niger hakimiyyətinin nümayəndəsinin ORTN televiziyasına verdiyi məlumata görə, Fransanın 1346 hərbi qulluqçusu və texnikasının 80%-i artıq ölkəni tərk edib.

Qeyd olunub ki, hazırda Nigerdə Fransa kontingentinin 157 üzvü qalır ki, onlardan 75-i texniki heyətdir.