“Onkologiya, narkologiya, psixatriya üzrə həkimlərin əməkhaqqı layihəsi hazırlanaraq dövlətə təqdim olunub”.

Bunu səhiyyə nazirinin müavini Rasim İsmayılov bildirib.

“Bu istiqamətlərdə regionlardan olan xəstəxanalara həkim təyinatı kifayət qədər ciddi problemdir. Bu baxımdan onların əməkhaqlarının reallığa uyğunlaşdırılması üçün layihə hazırlanaraq dövlətə təqdim olunub”, - deyə o qeyd edib.

Nazir müavini vurğulayıb ki, tibb universitetinin klinikalarında işləyən həkimlərin əməkhaqlarından vergitutulmaları ilə bağlı da layihə hazırlanıb hökumətə təqdim olunub: “Bu, kifayət qədər ciddi məsələdir. Maliyyə Nazirliyi və İqtisadiyyat Nazirliyindən xahiş edirik ki, bu məsələyə xüsusi həssaslıqla yanaşsınlar. Səbəb nədir? Bu gün özəl və dövlət müəssisələrində çalışan tibbi işçilərinin əməkhaqlarında vergitutmalarında fərq var. Bu da Tibb Universitetinin 4 klinikası, həmçinin Bakı Sağlamlıq Mərkəzində olan təcrübəli, səriştəli həkimlərin özəl klinikalara axınına səbəb olur”.