Xalq artisti Ağadadaş Ağayev və aparıcı Hacı Nuran Hüseynov uzun müddətdir səhhətində problem olan Əməkdar artist Süleyman Abdullayevi (Dədə Süleyman) ziyarət ediblər.

Aparıcı xanəndənin yaxın günlərdə xəstəxanaya yerləşdiriləcəyini bildirib:

“83 yaşlı sənətkarın vəziyyəti heç də ürəkaçan olmasa da, amma o, həyata optimist baxır. Tezliklə xəstəxanaya yerləşdiriləcəyini dedik. Əslində bunu qızı çoxdan etmək istəyirmiş, amma özü razı olmurmuş. Bizdən isə keçə bilmədi. Ağadadaş Ağayevə də, mənə də söz verdi ki, həkim müayinəsinə gedəcək. Düzdür, vəziyyəti kritikdir, ayağı qanqrena edib. Ayağını qurtarmaq mümkün olacaqmı, bilmirik".