Sosial şəbəkələrdə məktəbdə bir şagirdin digərinə fiziki zorakılıq tətbiq etməsinin görüntüləri yayılıb.

Görüntülərin Sabunçu rayonu Pirşağı qəsəbəsi 112 nömrəli tam orta məktəbdə çəkildiyi iddia olunub.

Görüntülərdən aydın olur ki, başqa bir şagird də bu zorakılıq hadisəsini telefonla çəkib sosial şəbəkələrdə paylaşacağını deyir.

Məktəbdə bir şagirdin digərini döyməsi və başqa bir şagirdin də onları lentə alması sosial şəbəkələrdə ciddi müzakirələrə səbəb olub.

Məsələ ilə bağlı Daxili İşlər Nazirliyinin Mətbuat xidmətindən Yeniavaz.com-a bildirilib ki, hadisə araşdırılır:

“Sosial şəbəkələrdə yayılan görüntülərdən məlumatlıyıq. Araşdırma aparılır”.