Laçın dəhlizinə alternativ yolunun Ermənistandan keçən hissəsinin tikintisinə başlanılıb.

Bu barədə “lurer.com” saytının reportajında bildirilib.

Qeyd edilib ki, tikinti ilə eyni vaxtda üç podratçı şirkət məşğul olur. Yol tikinti şirkətləri 6-cı gündür torpaq işləri aparır.

Yol Zabux çayı üzərində yeni tikilmiş körpüdən Kornidzor kəndinə qədər uzanacaq. O vaxta qədər avqustun 25-dən sonra Ermənistanın Qarabağla əlaqəsi torpaq yol ilə təmin ediləcək.

Yeni yolun ümumi uzunluğu 11,8 km olacaq.

Tikinti işlərinin gələn ilin yazınadək başa çatdırılması nəzərdə tutulub.