Rusiyanın Ukraynaya təcavüzündən sonra təchizat zəncirinin pozulması və enerji qiymətlərinin artması inflyasiyayla bağlı narahatlıqlara səbəb olub. Bu barədə yerli mediaya açıqlama verən ABŞ Federal Ehtiyatlar Sisteminin (FES) sədri Jerome Pauell bildirib ki, inflyasiya azalmadığı halda, faiz dərəcələrini 50 faizə qədər artıra bilərlər.

Ötən gün Vaşinqtonda keçirilən konfransda çıxış edən Pauell, ilin birinci yarısında inflyasiyanın pik həddə çatacağını, ikinci yarısında isə nisbətən azalacağını deyib: “İnflyasiya gözləntilərdən artıq olarsa, daha sərt qərarlar qəbul edə bilərik. Ehtiyac olduğu halda uçot dərəcəsini 50 faizə qədər artırmağı planlaşdırırıq”.

Qeyd edək ki, fevral ayında ABŞ-da inflyasiya əvvəlki ilin eyni dövrü ilə müqayisədə 7,9 faiz artaraq son 40 ilin ən yüksək səviyyəsinə çatıb.