Etirazçılar Ukrayna Prezidenti Volodimir Zelenskinin adını küçəyə verdilər.

Bu barədə “Washingtonian” məlumat yayıb.

Məlumatda bildirilir ki, Rusiyanın ABŞ-dakı səfirliyinin qarşısındakı küçəni “Prezident Zelenski Yolu” olaraq təyin edən qeyri-rəsmi lövhə Rusiyanın Ukraynaya müdaxiləsinə etiraz olaraq etirazçılar tərəfindən qoyulub.

Səfirliyin önündə diqqət çəkən daha bir məqam isə Rusiyada öldürülən və həbsdə olan müxalif kəsimlərin adlarının əks olunduğu plakatdır. Belə ki, burada Rusiya müxalifət lideri Aleksey Navalni başda olmaqla, bir sıra siyasilərin, o cümlədən Boris Nemtsovun adı da əks olunub.