"Bakıda flashmob keçirmək olmaz".

Bu barədə Daxili İşlər Nazirliyinin mətbuat xidmətinin şöbə rəisi, polis mayoru Elşad Hacıyev bildirib.

Onun sözlərinə görə, paytaxt ərazisində hansısa məzmunda yaxud sayda flashmobun təşkilinə və keçirilməsinə icazə verilmir.

Polis mayoru xüsusi karantin rejim çərçivəsində kütləvi tədbirlərlə bağlı tətbiq edilən məhdudiyyətlərin qüvvədə olduğunu bildirib.

Qeyd edək ki, bir qrup feminist “8 Mart”la bağlı flashmob keçirmək üçün Bakı şəhər İcra Hakimiyyətinə müraciət edib.

İcra Hakimiyyətindən isə onların bu müraciətinə “yox” cavabı verilib.