"Hər bir xalqın mədəniyyəti dəyərlidir və hörmətə layiqdir. Dünya qara yox, daha rəngarəng olmalıdır".

Bunu Dünya Etnosport Konfederasiyasının prezidenti Bilal Ərdoğan Bakıdakı Beynəlxalq Etnosport Forumundakı çıxışında deyib.

O, ənənəvi idman növlərinin dirçəlməsi üçün daha çalışacaqlarını söyləyib: "Hər ölkənin və xalqın idman növləri inkişaf etməlidir. İstəyirik ki, digər xalqlar və mədəniyyətlər bunu tanısınlar. Bugünkü formda ənənəvi idmanların keçmişini və gələcəyini müzakirə edəcəyik. Əvvəlki formlarda da bu idman növlərinin inkişafına töhvə vermişik. Etno idman növlərinin inkişafında sülh və həmrəylik önəmli rol oynayır. Bu sahədə işləmək istəyən bütün alimləri də işə cəlb edirik. Biz təqaüd proqramlarını da işə salmışıq. Fəlsəfə doktoru mükafatları verilməsi prosesləri işə başlayıb. Bəzi universitetlərdə tətqiqatçılarımız da var".

B. Ərdoğan V formun çox məshuldar olacağını sözlərinə əlavə edib: "Biz üzvlərimizin sayını artırmaq istəyirik. Amma ehtiyat edirik. Çünki qoşulmaq üçün səbəb olmalıdır. Hər formun məzmunu da çox vacibdir. Çoxlu ölkələrin və millətlərin nümayəndələrini bir araya gətirmək böyük uğurdur. İndi dünyada müharibədən danışılır. Biz çalışdıq ki, bu formla insanlıq və xalqlar üçün rəngarəng tədbir təşkil edək. Bizim məqsədimiz insanlığın ümumi dəyərlərini saxlamaqdır. Sülhə və həmrəyliyə töhvə vermək istəyirəm. Bu gün səhər səhər saatlarında Azərbaycan Prezidenti İlham Əliyevlə görüşdüm. Ona və gənclər idman naziri Fərid Qayıbova təşəkkür edirəm. Növbəti formumuz Türkiyədə olacaq. Bir daha iştiraka görə sizin hamınıza təşəkkür edirəm. / Report