“Süni mayalanmanın icbari tibbi sığortanın Xidmətlər Zərfinə salınması üçün “Reproduktiv Sağlamlıq Haqqında” qanun qəbul olunmalıdır. Sözügedən qanun isə hələ ki, müzakirə mərhələsindədir”.

Bunu Milli Məclisin Səhiyyə Komitəsinin üzvü, millət vəkili  Müşfiq Məmmədli deyib. 

Deputat bildirib ki, qanun layihəsi bir neçə dəfə müzakirə olunaraq dəyişikliklər təklif olunub:

“Qanunun qəbulu hələ ki, baş tutmadığından, süni mayalanmanın icbari tibbi sığortanın Xidmətlər Zərfinə salınması da hələ qarşıda olan məsələdir. Təklif var ki, gələcəkdə süni mayalanma bir dəfə bütün mərhələlər daxil olmaqla sığorta hesabına aparılsın. Amma bu hələ ki, müzakirələr ərəfəsindədir. Azərbaycanda "Reproduktiv Sağlamlıq Haqqında" qanun hələ ki, qəbul olunmadığından bizim danışdıqlarımızın hər biri müzakirə və ehtimallardır".