Artıq payız fəslidir. Yayın isti günlərində soyuq havanı nə qədər arzulasaq da, soyuq hava həmişə özüylə bir çox problemlər gətirib.

Saatlarla evimizi isitməyə, çayımızı dəmləməyə qaz tapmamışıq. Hər il bu problemlər azalsa da, öz həllini tapsa da, bəzi çatışmazlıqlar hələ də qalmaqdadır.

Bəs bu qış bizi hansı “sürpriz”lər gözləyir? “Azəriqaz” qışa hazırdırmı?

“Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev Cebhe.info-ya açıqlamasında deyib ki, qurum qışa tam hazırdır:

““Azəriqaz” İstehsalat Birliyi xeyli müddətdir ki, qışa hazırdır. Onu da nəzərinizə çatdıraq ki, bir ildən artıqdır ki, “Azəriqaz” İstehsalat Birliyində payız-qış mövsümünə hazırlıq deyə bir anlayış yoxdur. Yəni rəhbərlik səviyyəsində diqqətdə saxlanılır, ilin istənilən fəslində, istənilən ayında bərpa və təmir işləri həyata keçirilir. İstənilən vaxt əgər Bakı Şəhər İcra Hakimiyyəti qışa hazırlıqla bağlı sərəncam imzalasa, “Azəriqaz” İstehsalat Birliyi həmin dəqiqə qazın təzyiqindən tutmuş digər xidmətlərə qədər hamısını yerinə yetirməyə hazırdır. Qışda qaza tələbat çoxalır. Bununla belə, qazın verilməsində heç bir problem yaşanmayacaq”.



Paylaş: