Qızıl qiymətləri ABŞ hakimiyyətinin başlatdığı ticarət müharibəsi, eləcə də ABŞ dollarının ucuzlaşması ucbatından qlobal iqtisadiyyatda artan qeyri-müəyyənlik kontekstində artmaqda davam edir və yeni tarixi zirvələrə çatır.

Spot bazarda qızıl 1,4% bahalaşaraq 1 unsiya üçün 3373,7 dollar olub. Eyni zamanda, Bazar ertəsi səhər qiymətli metalın qiyməti bir unsiya üçün 3385 dollardan yuxarı qalxıb ki, bu da yeni rekorddur.

ABŞ dollarının altı əsas valyutaya qarşı dəyərini ölçən "ICE DXY" indeksi bazar ertəsi günü 1%-dən çox azalaraq son üç ilin ən aşağı səviyyəsinə düşüb.

"Comex" birjasında iyun ayı qızıl fyuçersləri 2,2% artaraq 1 unsiya üçün 3401,7 dollar olub. Bu ilin əvvəlindən qiymətli metal 26%-dən çox bahalaşıb.

"Goldman Sachs" ekspertləri 2026-cı ilin ortalarına qədər kotirovkaların unsiya üçün 4000 dollara qədər artacağını istisna etmirlər.