Dünyaca məşhur futbolçu Kriştiano Ronaldo həyat yoldaşı Corcina Rodriquezdən ayrılarsa, ona sərvət ödəməli olacaq. 

Bu barədə Portuqaliyanın "TV GUIA" jurnalında məlumat yayılıb.

İddia olur ki, Ronaldo ilə onun beş uşağından ikisinin anası Corcina arasında müqavilə var. Belə ki, əgər cütlük ayrılarsa, Ronaldo ayda 85 min funt sterlinq ödəyəcək. Sayt yaratmaq

Bu şərtin 2017-ci ilin noyabrında qızları Alana Martinanın doğulmasından sonra qüvvəyə mindiyi bildirilir.

Anlaşmaya əsasən, Ronaldo təkcə həyat yoldaşına pul ödəməyəcək. Corcinanın 2010-cu ildə Ronaldonun aldığı Madriddəki evinə də sahib çıxacağı iddia edilir.

Qeyd edək ki, Ronaldonun sərvəti 600 milyon dollar civarındadır.

Futbolçu Səudiyyə Ərəbistanının Pro Liqa komandalarından biri olan və ona 173 milyon funt sterlinq qazandıran “Əl-Nassr”la qazanclı müqaviləsi ilə yanaşı, kassasını müxtəlif sponsorluq müqavilələri ilə doldurduğu deyilir.