“Mən tikinti məsələsi ilə bağlı həbs edilmişdim. Bizim işlədiyimiz yer Rusiyanın Soçi şəhərində yerləşirdi. Şirkətlərin birində işləyən əməkdaşlar maaşlarının verilməməyi ilə bağlı Azərbaycana gələndən sonra şikayət ediblər. Məsələ ölkə hüdudlarından kənarda olduğu üçün İnsan Alveri ilə Mübarizə İdarəsi bu işlə məşğul olub və məni də 9 il müddətində azadlıqdan məhrum ediblər.”

Bu sözləri “Tv Musavat”ın canlı efirində MedEra hospitalının mühafizəçisi Nurəddin Cəlilov deyib.

O, Ağadadaş Ağayevlə aralarında yaranan insidentdən sonra onun məhkumluq həyatı yaşamağı ilə bağlı məsələnin qabardıldığını bildirib və məsələyə aydınlıq gətirib.