“Rusiya hər ay Ukraynadakı döyüş meydanında 24 min əsgərini itirir”.

RegionXəbərləricom.az “N-TV” telekanalına istinadla xəbər verir ki, bunu Almaniya kansleri Olaf Şolts Demokratiya Festivalında vətəndaşlarla söhbət zamanı deyib.

“Hər ay 24 min rus əsgərinin öldürüldüyünə və ya ağır yaralandığına dair rəqəmlər var. Və bütün bunlar hamısı Rusiya Prezidentinin imperialist meqalomaniyası naminədir”, - Şolts deyib.

Xatırladaq ki, Ukrayna Baş Qərargahının son məlumatlarına görə, Rusiyanın Ukraynaya qarşı müharibədə itkiləri artıq 500 mini keçib. Bundan əlavə, ruslar artıq 357 təyyarə və 7662 tank itirib.