Fransanın məşhur aktyor və rejissoru Jan-Lui Trentinyan 92 yaşında vəfat edib.

Bu barədə “Frans-Press” agentliyi mərhumun həyat yoldaşına istinadən məlumat yayıb.

Bildirilir ki, aktyor “bu gün səhər saatlarında Qar rayonundakı evində, yaxınlarının əhatəsində, qocalıqdan dünyasını dəyişib”.

Trentinyan 1930-cu il dekabrın 11-də Fransanın cənubundakı Polan şəhərində doğulub.

Aktyorun ən məşhur işləri “Kişi və qadın”, “Məhəbbət”, “Ötüşmə” filmləri olub.