Ukraynalı jurnalist və bloger Oksana Qaydar Kiyev vilayətində atışma zamanı həlak olub.

Ukrayna Jurnalistlər Milli İttifaqının rəhbəri Sergey Tomilenkonun sözlərinə görə, Qaydar martın 11-dən 12-də Brovarski rayonunun Şevçenkovo kəndini Rusiya artilleriyasının atəşə tutması zamanı həlak olub, lakin onun ölümü yalnız indi məlum olub.

Jurnalistin anası Lidiya ilə birlikdə öldüyü bildirilir. 

Qaydar tarixi araşdırmaları və sosial şəbəkələrdə Ruda Pani təxəllüsü ilə yazıları ilə tanınırdı, burada o, Rusiya hökumətinin imperiya ambisiyalarını və nəyin bahasına olursa-olsun Ukrayna üzərində nəzarəti bərqərar etmək istəyini kəskin şəkildə pisləyirdi.

Tomilenko əlavə edib ki, Qaydar öz esselərini və şərhlərini əri və oğlu ilə birlikdə yaşadığı Moskvadan yazıb, lakin anasına yaxın olmaq üçün Rusiyanın geniş miqyaslı hücumunun  başlamasından sonra Ukraynaya qayıdıb.

Qaydarin sonuncu tvitində martın 11-i olub və o, bildirib ki, kənddə işıq və demək olar internet yoxdur.