Müğənni Nurlan Əzizbəyli barədə şok iddia irəli sürülüb. regionxeberlericom.az-un Lent.az-a istinadən məlumatına görə, Kərimova Ofeliya adlı bir xanım “Elgizlə izlə” verilişinə zəng edərək bildirib ki, N.Əzizbəylinin xanımı Nərmin ( Afaq ) Əzizbəyli ondan 30 min manat pul mənimsəyib:

“Mənim uşağım Nurlanın övladı ilə 190 nömrəli məktəbdə bir sinifdə oxuyur. Tanışlığımız burada yaranıb. Valideyn olduğuna görə, Nurlanın xanımına inandım, o da məni aldatdı. Onun metronun "Nizami" stansiyasının yanında anasından qalma bir otaqlı evi var. Hansı ki, indi orada yaşayırlar. Bu qadın evi mənə göstərdi, ağladı, dedi ki, başqa yerdən ev alma, anamdan qalma bir otaqlı evim var, sənə satım. Məktəbə yaxın olduğu üçün razılaşdım. Mən də 30 min manat pulumu banka qoymuşdum. O məni banka apardı, pullarımı çıxartdırdı. Pulları məndən aldı, dedi ki, evin sənədləri yoxdur, sənədləri düzəltdirirəm”.

Daha sonra N.Əzizbəylinin xanımı telefon zəngi ilə verilişə qoşulub. O, iddialara belə cavab verib: “Ofeliya xanımı tanıyıram. Bu məsələdə Nurlanın xəbəri yoxdur. Ofeliya xanım 30 mini tam verməyib. Hissə-hissə verib. Mən də ona 3 il ərzində ona ayda 200 manat pul vermişəm. Ona dedim ki, mən sizi aldatmıram. Evimiz plana düşsün, sizin pulu qaytaracam. Ona hər ay pul verəndə heç bir sənədə qol çəkdirməmişəm”.

İfaçının xanımının sözlərinə cavab olaraq Ofeliya adlı xanım ”yalandır, böhtan atır”, sözlərini deyib.




Paylaş: