Regionxeberlericom.az » Gündəm » Asiya İnkişaf Bankının ayırdığı pulu Saleh Məmmədov mənimsəyib-Ucardan şikayət (VİDEO)

Asiya İnkişaf Bankının ayırdığı pulu Saleh Məmmədov mənimsəyib-Ucardan şikayət (VİDEO)

RegionXəbərləri.com-a Ucar rayonu Bağırbəyli kənd sakinləri tərəfindən şikayət məktubu daxil olub.Kənd sakinləri mətbuat vasitəsi ilə dövlət başçısı İlham Əliyevə müraciət edirlər. Müraciətdə deyilir;

Cənab Prezident !

Asiya İnkişaf Bankının maliyyə dəstəyi ilə Ucar rayonunun Alpı, Qulabənd və Bağırbəyli kəndlərində yol tikintisi işləri aparılması üçün pul ayrılmışdır.Həmin lahiyəyə əsasən Alpı və Qulabənd kəndlərinə asfalt çəkilsədə Bağırbəyli kəndində yol tikinti işləri aparılmadı.İzahı isə belə verildi ki, Bağırbəyli kəndində yol tikinti işləri 2022-ci il tarixdə aparılacaq.

Qeyd edək ki, Qulabən, Alpı və Bağırbəyli kəndləri bir sovetlikdə və bir bələdiyyə təsərrüfatında yerləşir. Bağırbəyli kəndinin əsas yolunun uzunluğu 2 km-dir.Qulabənd və Alpı kəndləri ilə müqayisədə Bağırbəyli kəndinin yolu tam yararsız çox bərbad vəziyyətdədir. Buna görə yol tikintisi başlanmazdan əvvəl bütün bunlar öyrənilməli sonra yol çəkilməli idi.Yolsuzluğa görə Bağırbəyli kənd sakinləri çox əziyyət çəkirlər. Ucar rayon rəhbərliyi nəzərə almalıydı ki, Bağırbəyli kəndinin yolu digər iki kəndin Qulabənd və Alpı kəndlərinin yolundan çox bərbad gündədir.

Bağırbəyli kəndi Vətən müharibəsində bir şəhid verib, kənd sakinləri olan gənclərimiz müharibədə iştirak ediblər, qazi olanlarda var. Kənd sakini Təbriz Bəkirov Vətən müharibəsində qəhrəmancasına şəhid olub.Qəhrəman şəhidin yaşadığı evə gedən yol çox bərbad yararsız vəziyyətdədir.Bağırbəyli kəndində məktəb olmadığı üçün şagirdlər 3 km aralıda yerləşən Alpı kənd orta məktəbində təhsil alırlar.Yolsuzluğa görə şagirdlər çox əziyyət çəkirlər.Qışda palçıq yayda isə tozdan yolda hərəkət etmək olmur.Çıxılmaz vəziyyətdə qalmışıq. "Azəryol" ASC-nin İdarə Heyətinin sədri Saleh Məmmədova dəfələrlə ərizələrlə müraciətlər etsəkdə heç bir tədbir görməyib.Adama sual verərlər ki, ay Saleh müəllim bizim yaşadığımız Bağırbəyli kəndinin yolunun tikintisi üçün Asiya İnkişaf Bankı tərəfindən ayrılmış vəsaiti hara xərcləmisiniz ?

Saleh Məmmədovudan bu suala cavab verməsini tələb edirik.

Azərbaycanın ən ucqar yaşayış məskənlərinə yollar çəkilib insanların rahatlığı təmin olunub.Ancaq çox təssüf olsun ki, Bağırbəyli kəndinə nəzər salınmır.

Cənab Prezident Sizdən xahiş edirik bərbad vəziyyətdə olmasını nəzərə alıb Bağırbəyli kəndinə yol çəkliməsi üçün səlahiyyətiniz daxilində müvafiq tapşırıqlar verəsiniz.

İmza; Ucar rayonu Bağırbəyli kənd sakinləri

1. Bəkirov Ehdibar Akif oğlu şəhid atası Əlaqə telefonu; (050) 976-90-95

2.Mahmudov Ənvər Soltan oğlu

3.Məmmədova Vüsalə Qorxmaz qızı

4.Məlikova Yaqut Məlik qızı

5.Mahmudova Mahizər Ağaverdi qızı

6.Mahmudov Mehman Soltan oğlu

7. Mahmudov Pənah Mehman oğlu müharibə iştirakçısı

8. Mahmudova Məryəm Məmmədalı qızı

9. Abbasov Elvin Şəmsəddin oğlu müharibə iştirakçısı

10. Bəkirov Alim Akif oğlu

11. Şıxəliyev Bəşir Qnyaz oğlu