Qaçqınların və Məcburi Köçkünlərin İşləri Üzrə Dövlət Komitəsinin rəhbərliyində dəyişiklik gözlənilir. Bu barədə məlumatlı mənbədən informasiya daxil olub.

Xəbəri verən qaynaq iddia edir ki, Rövşən Rzayev yaxın günlərdə vəzifəsindən azad ediləcək. Mənbənin dia.az-a söylədikləri:

"Rövşən Rzayevin barəsində cinayət işi də açıla bilər. Buna tədarük görülür və bu işdə daha bir neçə nüfuzlu şəxsin də adı hallanır".

Mənbə iddia edir ki, hətta ola bilsin qaramaskalılar da Qaçqınların və Məcburi Köçkünlərin İşləri Üzrə Dövlət Komitəsinin binasını "ziyarət etsinlər": "Vəziyyət bu qədər ciddidir".

Onu da qeyd edək ki, 44 günlük Vətən Savaşından sonra Qaçqınların və Məcburi Köçkünlərin İşləri Üzrə Dövlət Komitəsinin ləğvi tələbi də ayrı-ayrı kuluarlarda səsləndirilməkdədir. Amma görünəni odur ki, hələlik sözügedən dövlət komitəsinin ləğvi düşünülmür. Təftişi isə mütləq baş verəcək. Çünki söhbət milyonların yeyintisindən gedir.

İddia olunanlarla bağlı bütün maraqlı tərəfləri dinləməyə hazırıq. Əlavə bilgilərimiz olacaq.(dia.az)


Paylaş: