Vətənə xəyanətdə şübhəli bilinən ukraynalı bloger və siyasi fəal Anatoli Şari İspaniyada saxlanılıb.

Bu barədə ölkənin Milli Polis Təşkilatı məlumat yayıb.

"Bizdə məlumat var ki, Şari beynəlxalq sifarişlə Tarraqona şəhərində saxlanılıb", - nazirlikdən bildiriblər.

Qeyd olunur ki, yerli polis hələlik hadisənin baş vermə şəraiti ilə bağlı əlavə məlumat verə bilmir.

Bundan əvvəl Ukrayna Təhlükəsizlik Xidməti (SBU) siyasi fəalın saxlanması barədə məlumat vermişdi. “Seqodnya” xəbər verir ki, bloger bir ay ərzində vətəninə ekstradisiya oluna bilər.