Prezident Volodimir Zelenski rusiyalı iş adamı Roman Abramoviçin Kiyevə səfəri ilə bağlı məlumatı şərh edib.

O, bu barədə beynəlxalq və Ukrayna mediası üçün mətbuat konfransı keçirərkən danışıb.

"Mən bildiyimə görə, o, Rusiya danışıqlar qrupunun üzvüdür. Bildiyimə görə, o, Kiyevdə olub. Onun görüşünün formatını müzakirə etməyə hazır deyiləm", - deyə dövlət başçısı jurnalistlərin suallarını cavablandırarkən bildirib.

Bundan əvvəl Krım tatar xalqının rəhbəri Mustafa Cemilev demişdi ki, martın 3-də rusiyalı oliqarx Roman Abramoviç Kiyevə uçub və çox güman ki, müharibəni dayandırmaq və sanksiyaları ləğv etmək variantlarını müzakirə etməyə çalışıb.

İddialara görə, Ukrayna prezidenti Vladimir Zelenski Co Baydendən  Abramoviçə qarşı sanksiyalar tətbiq etməməyi xahiş edib. Zelenski inanır ki, o, Kiyev və Moskva arasında sülh danışıqlarına kömək edə bilər.