Tanınmış cütlük - Devid və Viktoriya Bekhemlərin evi qarət olunub.

Martın 30-dan 31-nə keçən gecə idmançının evinə oğru girib və 1000 funt sterlinq (2 231 AZN) məbləğində bəzək əşyalarını oğurlayıb.  Hadisə zamanı Devid, Viktoriya və uşaqları evdə olub. Onlar yatdığından baş verənlərdən xəbər tutmayıblar.  

Mənzilin qarət olunduğunu dostları ilə gecə gəzintisindən sonra evə dönən cütlüyün 17 yaşlı oğlu aşkarlayıb. Gənc oğlan atasını oyadıb və qonşu yataq otağında hər şeyin alt-üst edildiyini deyib.

Devid dərhal polis çağırıb. Xoşbəxtlikdən, oğurluq zamanı xəsarət alan olmayıb.

“Bekhemlər bu ərazidə fəaliyyət göstərən yetərincə peşəkar oğruların qurbanı olublar. Xoşbəxtlikdən, cinayətkarlar qaçmamışdan əvvəl yalnız bir yataq otağına girə biliblər”, - “The Sun”ın mənbəsi deyib.