Türkiyədə ümumi dəyəri 457 milyon lirə (130 milyon 793 min 400 AZN) olan 4 ada və 1 yarımada internet üzərindən satışa çıxarılıb.

Adalardan 3-ü Egey və Qara dənizdə, 1 yarımada və 1 ada isə Bursanın Ulubat gölündədir.

Turizm və tikinti üçün əlverişli olan yarımada və adalarda tikililər də mövcuddur. Şəxsi mülkiyyətdə olan adaların bəzilərində turizm bölgələri, digərlərində yaşayış və qarışıq rayonlaşma icazələri var.
Noyabr ayında satışa çıxarılan adaların ölçüsü 27 min- 316 min kvadrat metr arasında dəyişir, yarımadanın sahəsi isə 76 min kvadrat metrdir.



Məlumata görə, adalar arasında ən ucuzu Bursanın Karacabey mahalındakı Uluabat Gölündə, Eskikaraağaç kəndindən 2 kilometr uzaqlıqda olan 45 min kvadrat metrlik adadır ki, onun da qiyməti 17 milyon lirə (4 milyon 865 min 400 AZN) təşkil edir.

Ən böyük və ən bahalı ada isə Muğlanın Marmaris vilayətində yerləşən 316 min kvadrat metrlik Karaca adasıdır. Adanın satış qiyməti 145 milyon lirədir (41 milyon 499 min AZN), Prezident iqamətgahının qarşısında yerləşir.

Nəşr qeyd edir ki, adalara Azərbaycan da daxil olmaqla, Türkiyə, Rusiya, İran, Səudiyyə Ərəbistanı, Qətər, Dubaydan iş adamları sahib olmaq istəyir.


Paylaş: