“ABŞ Hökumətinin Səmərəliliyi Departamentinə (DOGE) nəzarət edən İlon Mask ən azı bir neçə ay daha Vaşinqton administrasiyası üçün çalışacaq”.

Bunu ABŞ Prezidenti Donald Tramp jurnalistlərə açıqlamasında deyib.

“İlon müəyyən müddət qalacaq. Sonra öz işinə qayıtmaq istəyəcək. O, böyük işlər görüb. Maskın mümkün qədər uzun müddət qalmasını istərdim. Amma elə bir vaxt gələcək ki, o, getməli olacaq”, - Tramp deyib.

O bildirib ki, Mask və rəhbərlik etdiyi qurumun fəaliyyətini yüksək qiymətləndirir.

Amerika lideri DOGE-nin irəlidə fərqli liderliyə sahib olacağını, lakin agentliyin fəaliyyətini davam etdirəcəyini söyləyib.

Tramp gələcəkdə Maskı başqa vəzifəyə təyin edə biləcəyi ehtimalından da danışıb: “Mən bunu edərdim. O, əladır. Amma onun idarə edəcəyi şirkətləri də var”.

Xatırladaq ki, bir neçə gün əvvəl İlon Maskın hökumət vəzifəsini tərk edəcəyi ilə bağlı xəbərləri yayılmışdı. Lakin Ağ Ev bu məlumatları təkzib edib.