Ötən il ərzində ölkə əhalisinin 50%-i icbari tibbi sığortadan yararlanıb.

Nazirlər Kabinetinin 2024-cü ildə fəaliyyəti haqqında hesabatında öz əksini tapıb.

Belə ki, hesabat dövründə dövlət tibb müəssisələrinə 5236,4 min nəfər şəxs 24 milyondan çox müraciət edib.

Müraciətlərin 56%-i rayonların, 44%-i isə Bakı şəhərinin payına düşüb, dövlət tibb müəssisələrinin əhaliyə göstərdiyi xidmətlərin sayı 83656,5 min təşkil edib. Tibbi xidmətlərin 87%-i ambulator və 13%-i stasionar şəraitdə göstərilib.

Qeyd edilib ki, 2024-cü il üçün əhalinin dövlət büdcəsinin vəsaiti hesabına icbari tibbi sığortalanması məqsədilə dövlət büdcəsindən ayrılan vəsait 1228,4 mln. manat təşkil edib. Əhalinın sağlamlığının qorunması sahəsində bir sıra dövlət proqramlarının icrasına 139,6 mln. manat ayrılıb.