Premyer Liqada yeni mövsümə uğursuz başlayan "Kəpəz"də növbəti xoşagəlməz hadisə yaşanıb.

RegionXəbərləricom.az Sportinfo.az-a istinadən xəbər verir ki, iyulda klubun icraçı direktoru təyin olunan Cabir İbrahimov qalmaqalın mərkəzində dayanıb.

Belə ki, komandaya yenicə təyin olunmuş baş məşqçi Azər Bağırovun korpusunda yer alan köməkçi Rakif Əliyev təbii ehtiyacını ödəmək üçün sanitar qovşağına üz tutub. vakansiya

Bu zaman İbrahimov onu görüb və çölə çıxmasını gözləyib, daha sonra ona: "bura rəhbərliyin tualetidir, ora girə bilməzsən", - deyib.

Bağırovun yardımçısı bazada yeni olduğunu, ətrafı yaxşı tanımadığını söyləyib.

Lakin icraçı direktorun səsini qaldırması ilə söhbət mübahisəyə çevrilib. Ətrafdakı şəxslərin müdaxiləsi ilə onları sakitləşdirmək mümkün olub.