"SU-30SM təyyarələrinin alınması ilə bağlı analizlərlə razılaşa bilmirəm. Hamı bu təyyarələrin yalnız baş nazirin selfie çəkə bilməsi üçün alındığını yazırlar".

Bu sözləri erməni hüquq müdafiəçisi Avetik İşxanyan "Facebook" səhifəsində yazıb.

İşxanyan təyyarələrin alınması ilə bağlı Baş nazirə və keçmiş müdafiə nazirinə bir sıra suallar ünvanlayıb.

“Bu SU-30SM-lər rəsmi olaraq Rusiyadan fabrik qiymətləri ilə alınıb? Elədirsə, Rusiyanın bu təyyarələr üçün müvafiq raketləri satmadığını necə başa düşmək olar?" - deyə, yazan hüquq müdafiəçisi, çoxfunksiyalı döyüş təyyarələrinin hökumət tərəfindən korrupsiya mexanizmləri və "otkat" üsulu iləəldə edildiyini vurğulayıb.

İşxanyan Nikol Paşinyana bir vaxtlar verdiyi açıqlamanı xatırladıb: "Baş nazir bildirmişdi ki, mütəxəssislərin fikrincə təyyarələrin metal qırıntılarına çevrilməməsi üçün onlarla müntəzəm uçuşlar həyata keçirməlidir. "İndi SU-30SM təyyarələri şəklində 130 milyon dollarlıq metal qırıntılarımız var" .


Paylaş: