Sabiq Baş prokuror Zakir Qaralovun ölkədən çıxışına “stop” qoyulduğu iddia edilir.

Bu barədə sosial şəbəkələrdə iddialar yayılıb.

Time TV hüquq mühafizə orqanlarındakı mənbə tərəfindən sözügedən məlumatın təsdiqləndiyi iddia edilib. Bildirilib ki, “stop” Zakir Qaralova məxsus olan və himayə etdiyi şirkət, holdinq kimi qurumlarda aparılan yoxlamalarla bağlıdır.

Qeyd edək ki, mətbuatda “MTN işi” kimi tanınan və keçmiş Milli Təhlükəsislik Nazirliyinin yüksək vəzifəli əməkdaşlarının mənfi əməlləri ilə bağlı görülən məhkəmə işində dəfələrlə sabiq Baş prokuror Zakir Qaralovun adı hallanıb. Zərərçəkənlər və həbsdəki MTN-çilər dəfələrlə Z. Qaralovun da prosesin içində olması və bir çox qeyri-qanuni addımın birbaşa onun göstərişi ilə həyata keçirilməsi barədə iddialar səsləndirsələr də, bu günə qədər heç bir hüquqi addım atılmayıb.