Vətəndaş Azərbaycanda yolların vəziyyəti ilə bağlı şikayətini bildirib.

Vətəndaş Patrulaz.az-a bildirib ki, o asfalt yolun ortasına düzülən beton maneələrin düzgün yerləşdirilməyib. Vətəndaşın sözlərinə görə, bu betonlar asfalta tam oturmadığı üçün qəzalar zamanı nəqliyyat vasitələrinin hərəkət trayektoriyası təhlükəli şəkildə dəyişir. Görüntülərdə izah edilir ki, əgər beton maneələr düzgün quraşdırılsaydı, qəza zamanı avtomobil onlara çırpılaraq öz yoluna qayıda bilərdi. Lakin hazırkı vəziyyətdə betonların asfaltın altında olması lazım olan hissəsi üstə qalıb. Nəticədə, avtomobil betona dəydikdə təkər diski çıxır və nəqliyyat vasitəsi əks istiqamətli hərəkət zolağına düşür. Bu isə ciddi qəzalar üçün böyük risk yaradır.

Sürücülər vətəndaşların təhlükəsizliyini təmin etmək üçün Azərbaycan Avtomobil Yolları Dövlət Agentliyindən beton maneələrin düzgün yerləşdirilməsini də xahiş edib.