reklam
Regionxeberlericom.az » Sosial » "Əli Kərimli yadından çıxarıb ki..." - Deputat OD PÜSKÜRDÜ

reklam

"Əli Kərimli yadından çıxarıb ki..." - Deputat OD PÜSKÜRDÜ

““Xəyanətkarlar şurası”nın üzvü, AXCP sədri Əli Kərimli məhz Soçidə keçirilmiş üçtərəfli görüşdə Azərbaycanın əldə etdiyi növbəti diplomatik qələbədən çox narahat olmağa, ölkəmizə qarşı növbəti dəfə əsassız və xəyanət dolu ittihamlar səsləndirməyə başlayıb. Birincisi, Azərbaycan-Ermənistan münasibətlərinin normallaşması istiqamətində Azərbaycan qətiyyətli mövqe nümayiş etdirir. Əli Kərimli yadından çıxarıb ki, məhz Əli Kərimlilərin xəyanəti, ölkədə onların vasitəsilə yaranmış hərcmərclikdən, xaosdan, vətəndaş qarşıdurmasından Ermənistan istifadə edirdi və Azərbaycan torpaqları işğala məruz qalırdı. Vətən müharibəsində Azərbaycan öz tarixinin ən parlaq qələbəsini Müzəffər Ali Baş Komandanımızın rəhbərliyi ilə rəşadətli Ordumuzun döyüş meydanında göstərdiyi igidlik nəticəsində qazandı. Vaxtilə Əli Kərimli kimilərin və ətraflarındakı beş-on nəfər xəyanətkarın, satqının yarıtmaz və səriştəsiz siyasəti nəticəsində işğala məruz qalmış torpaqlarımızı 44 günlük müharibədə azad etdik”.

Bu sözləri Pravda.az-a açıqlamasında Milli Məclisin deputatı Cavid Osmanov deyib.

Deputat bildirib ki, cənab Prezident İlham Əliyev Azərbaycan xalqının milli maraqlarına söykənən müstəqil siyasət yürütməklə döyüş meydanında əldə etdiyimiz tarixi qələbəni diplomatik müstəvidə də möhkəmləndirməkdədir:

“Azərbaycan xalqı bu siyasəti dəstəkləyir və həmrəylik nümayiş etdirir. Bu həmrəylik isə cənab Prezidentimizin ətrafında sıx birləşməklə ifadə olunur. Bu, təkcə ölkəmizdəki azərbaycanlılara deyil, harada yaşamalarından asılı olmayaraq dünya azərbaycanlılarına da aiddir. Hamısı daha güclü Azərbaycan qurmaq naminə cənab Prezidentin ətrafında sıx birləşib. Əli Kərimli və onun kimi beş-on nəfər marginal qruplaşmanın, “xəyanətkarlar şurası”nın üzvləri isə bilməlidirlər ki, onlar artıq cəmiyyətdən tamamilə təcrid olunublar. “Vətən xaini” damğasını da onlara Azərbaycan xalqı özü vurub. Bütün milli məsələlərdə məhz Ermənistan, Fransa, İran, erməni lobbisi tərəfindən çıxış edən Əli Kərimlilər artıq silinib-süpürülüb, layiq olduqları yerə çoxdan atılıblar”.




Paylaş:


Müəllif : Tarix:
1-11-2022, 16:54
Sikayət   


loading...
Загрузка...

Oxşar Xəbərlər